Nausen thihna sawiho

National Health Mission (NHM) Aizawl West chuan, nimin khan Aizawl Civil Hospital conference hall-ah nau piang thihna leh nu nau chunga thihna tihtlakhniam dan tur sawihona, Awareness-cum-Sensitization Workshop an buatsaih.

Workshop-a tarlan a nih dan chuan, India ram chu khawvel ram dangte dinhmun thlirin, infant mortality rate (IMR)-ah a la sang hle.

2014 chhung khan Aizawl West CMO bialah nau piang thi 88 awmin, IMR chu 30 a ni. Zirhonaah hian Aizawl district-a sorkar leh mimal damdawi-in leh health institution-a nurse leh tutor-te an tel.