KHAWTHLIR

Dry village puang

Lawngtlai district-a Cheuràl V/C, YLA leh Lai Women Association hruaitute chuan, June 13, 2016 zing khan Cheural khua chu zu leh ruihhlo dang awm loh-na, Dry Village-ah an puang. Dry Village-a inpuan-na inkhawm neih a ni a, chumi zawhah khaw mipui-te'n kawng an zawh a; Cheurala sikul awm zawng zawngte'n khaw-tlang thenfai hnatlang an nei bawk.

MCI-in inInhriattir turin ti

Mizoram Chamber of Industries chuan, Ministry of Micro, Small & Medium Enterprises-in industry registration kalphung a thlak avangin tuna registration chu rin theih a ni tawh lo tih an tarlang a, "Kalphung thar, UDYOG Aadhaar hmanga inziahluh tawh tur a ni a, industry nei zawng zawngte Aadaar (UID), mahni account no., RTGS leh PAN Card nen MCI office, MUP building, Upper Khatla-ah a rang lama ngaihven tur a ni," an ti.

Lehkhabu tlangzarh

B Lalremtluangi lehkhabu ziah, 'Thilmak chhuisen loh (Lalpa min hmuhtir)' tih chu nimin khan Synod Conference Centre-ah minister Lal Thanzara'n a tlangzarh.

NLUP sem

Fisheries department chuan, nimin khan NLUP-a sangha vulh thlangtu chhungkaw 27 hnenah sangha dîl siam puitlina atan ṭanpuina sum an sem. Mi 27
hnenah hian Rs. 6,000 ṭheuh pek a ni.

Mi 1,255 admit

May 2016 chhung khan Aizawl Civil Hospital-ah mi 38,962 an inentir a, mi 1,255 admit an ni. Nau piang 342 an awm laiin, nunna chán mi 60 an awm a, Mizoram pawna refer mi 136 an awm bawk.

Bru tlawh dawn

Ministry of Home Affairs (NE) joint secretary Satyandra Garg chuan, Mamit district chhunga Bru awmna hmunte a tlawh dawn a; a lo dawnsawn dan tur ngaihtuahin Mamit DC Lalbiaksangi hoin a pisa-ah department hotute an ṭhukhawm. Meeting-ah hian sorkar department leh V/C-te mawhphurhna leh chanvote siam a ni.