MBSE-in mark pek dan sawifiah

MBSE chuan thu-chhuah siamin, HSLC result chhuaka Ma-the-matics subject-a Lalsanglura, Saitual H/S mark 89 pek a nih dan an sawifiah a; danin a phal anga endiktu mi pahnih ruaiin endik nawn leh a nih hnuah mark 99 a hmu tih an puang.

Mark pek dik loh vanga MBSE tihhminghliau tum--na awm chu pawi an tih thu sawiin MBSE chuan, "Eng emaw vanga mark paihsak a awm lo a, zawhna pakhat mark khat pu tih dik loh a neih chu amah pawhin a hre chiang a, paper endiktute'n uluk takin an endik a, tihpalh thil erawh a awm theih vangin ennawn dilna a awmin phalsak ṭhin a ni," an ti.

MBSE tarlan danin, kum 2016 HSLC result chhuakah zirlai 56-in an chhanna ennawn an dil. Ennawnna result aṭangin fail-a ngaih pakhat chu a compartment a, fail-a puan tawh mi pahnih chu third division-ah an pass. Second division-a pass-a ngaih tawh mi pali chu first division-ah an pass. Dinhmun insawn chuang loa mark hmuh belh mi pariat an awm a, mi pathum chu an mark hmuh a tlem phah thung a; result danglam lo mi 38 an awm bawk.