January 9-ah Larsap thar lak luh a ni dawn

Mizoram Governor atana ruat thar, Dr. Aziz Qureshi chu January 9, 2015-ah Mizoram Larsap turin lak luh a ni dawn nia thu dawn a ni.

Aizawl Raj Bhavan aṭanga thu dawn danin, Dr. Aziz Qureshi hian January 8-ah Aizawl rawn thlen a tum a, a tuk January 9-ah Mizoram Governor turin rinawmna thu tiamtira lak luh a nih beisei a ni.

Dr. Aziz Qureshi hi Madhya Pradesh mi niin, February 3, 1940-ah a piang a, nupui a nei lo. Dan lama mi thiam a nih bakah, Madhya Pradesh Assembly member leh Lok Sabha member-te pawh a lo ni tawh a; May 15, 2012-ah Uttarakhand Larsap atan dah a ni a, tun thlengin a la chelh a ni. Sorkar laipui chuan Dr Aziz Qureshi hi Mizoram Governor turin December 31, 2014 khan a ruat a ni.