Khawtlangin mibo zawng mek

Lalnunmawia Zadeng (35), Babutlang, Zarkawt chu December 31, 2014 zana a léng chhuak chu tun thlengin a awmna chin hriat a ni lo a; police, Zarkawt khawtlang leh mi tlawmngai dangte'n an zawng mek.

Thu dawn danin, Lalnunmawia Zadeng hi December 31 zan dar 10 velah scooty dum, MZ-01 J-6893 khalhin a léng chhuak a, a haw lo a, tun thlengin a awmna chin hriat hriat a ni lo. A bo hnuah hun eng emaw ti chhung chu a mobile phone-ah SMS thawn tlang theih a ni a, mahse January 2 aṭang chuan a phone chu switch off a ni.

Lalnunmawia hi a chhungte'n an zawn hnuah, January 3 aṭang khan Zarkawt khawtlangin an zawng a; a awmna hriate chu Aizawl Police Station phone number - 2322319-ah emaw, 94363663331-ah emaw hriattir tura ngen an ni.