CM thusawiah MPCY an lawm

Mizoram People's Conference party ṭha­laite chuan thuchhuah siamin, Shillong-a NEC Plenary Meeting vawi 63-naah Chief Minister Lal Than­hawla'n Tri­pura-a awm Mizoram Bru-te an awmnaa awm hlen tawh tura rawtna a siam chu lawmawm an tih thu an tarlang.

MPCY chuan, Bru-te chungchanga CM Lal Thanhawla thusawi leh rawtna chu mipui laka hmai phihna chauh ni lo a, a tak ram thleng ngei tura bawhzui ṭul an tih thu an sawi a; chak taka bawhzui turin CM chu an ngen a ni.

MPC ṭhalaite chuan, kum hlui thlahna leh kum thar lawmnaah Aizawlah hâlpuah leh hâlmawi hâl thawm hriat tur a tam hle nia sawiin, Home minister R Lalzirliana hlawhchhamnaa an ngaih thu an sawi a; Home Minister chu dan leh thupek kengkawh zo loah an puh a ni.