Thla 2 chhungin driving license 3,345 pe

Transport department chuan sorkar kum kal mekah thla hnih, April-May chhung khan driving license 3,345 an pe chhuak a, chu'ng zinga 2,034 (60.81%) chu two wheeler license a ni.

Transport department-in a tarlan danin, April 2024 chhung khan driving license 1,792 pek chhuah a ni a; chu'ngte chu two wheeler license 1,137, LMV license 624, lirthei lian (HMV) license 28, electric rickshaw license pahnih leh lirthei dang license pakhat a ni.

Kumin May 2024 chhung khan two wheeler drivign license 897, LMV license 614, HMV license 37 leh lirthei dang driving license panga pek chhuah a ni a, a vaiin 1,553 a ni.

Kumin April-May chhunga lirthei license pek chhuah 3,345 zinga 1,850 (55.31%) chu Aizawl District Transport Office (DTO) aṭanga pek niin, a tam ber a; a dawttu Champhai DTO aṭangin driving license 410 (12.26%) pek chhuah a ni.