Lirthei enkawltu mi 21-te'n Covid-19 an vei tawh lo

Kolasib DC Dr H Lalthlangliana chuan nimina a pisaa thuthar thehdarhtute a kawmnaah, Seṭhawna lirthei tangkhang enkawltu zinga Covid-19 vei hmuh chhuah zinga mi 21 chuan hripui an vei tawh lo tih finfiah a nih thu a sawi.

Dr H Lalthlangliana sawi danin, mi 21-te hian Covid-19 an vei tawh loh avangin nimin khan chhuah an ni a, ni thum chhung ei tur pek niin, an bungraw phurhte chu a dahna hmun turah an dah ang. Tangkhang lirtheite chu damdawi hmangin phuh thianghlim tawh a ni. Driver/handyman-te bakah, Seṭhawna naupang kum 12 mi pawhin Covid-19 a vei tawh lo tih finfiah a ni a, nimin vêk khan chhuahtir a ni bawk.