Mizo Hnam Martar Thlanmual MNYF-in lungchhiatthlak an ti

MNF ṭhalaite chuan June 14, 2016 khan CTI, Sesawnga Congress ṭha-laite'n Mizo Hnam Martar Thlanmual an siam chu an tlawh a; thu an ziah dan chu lungchhiatthlak an tih thu an tarlang.

MNYF chuan, MPYCC-in Martar Thlanmual tia hming an vuahah chuan Martar Thlanmual a nihna thu inziak hmuh tur a váng niin an sawi a, "Hnam tana nunna hlântute thlanmual a nihna pawh a inziak lo," an ti.

MNYF tarlan danin, Sesawnga Mizo Hnam Martar Thlanmualah hian, "A pawi ngei e, chimloh zaleng hei zawng hian maw, thansarah zamin thlafam min chansan le' tih a inziak. Thu inziak chu hnam pasalṭha nunna hlantute chawimawina a kâwk lo a, sárthiah an chhuah zawk niin MNYF chuan an tarlang.