CBI aṭangin Chhânna la dawng lo

Mizoram sorkar chuan rangkachak tawlhrûk suam thubuai chhui tura ngenna Central Bureau of Investigation (CBI)-ah a thawn tawh a, CBI aṭangin chhanna an la dawng lo.

Mizoram police-te'n rangkachak tawlhrûk suam thubuai chu CBI chhuitir turin sorkarah rawtna an thlen a, chu chu Mizoram sorkar chuan remtiin, Home department chuan CBI hnenah thubuai chhui tura ngenna an thawn a ni.

Police hotute aṭanga thu dawn danin, CBI-in rangkachak tawlhruk suam thubuai chhui an remti a nih pawhin, kawng chi hnih a awm a; Mizoram police-te nen a huhoa chhui emaw, anmahni chauha chhui emawin thutlukna an siam thei a ni.

Hetih lai hian, he thubuai chhui tura din Special Investigation Team (SIT) pawhin hnu chhui hna an kalpui zel a, an mi man bail-a chhuak tawhte pawh thu an zawhfiah zui zel bakah, state páwna zin thu zawhfiah atana koh lette pawh an nei.

He thubuaiah hian SIT-te chuan mi 14 an man tawh a, mahse an vaiin Court chuan bail-in a chhuah a ni.