KHAWTHLIR

Gas bûr 48 man

Central YMA-a Kumpuan duty-te chuan, June 14, 2016 zan dar 1:50 khan Selesihah dan loa gas hralh rûk tur bûr 48 an man. Gas bûrte hi 207 pick-up MZ-08 1821
aṭangin an man a, a bul tumtu nia hriat Zioni (29) d/o Hranglianmawia, Kawnpui nia insawi an man bawk.

Nextcomm hawng

MLA Chalrosanga Ralte chuan June 14, 2016 zan khan YMA sub-headquarters, Lunglei conference hall-ah Lungleia inbun thar, internet service privider Nextcomm a hawng. Chalrosanga chuan, information technology-a hmasawnnate chu a
ṭang-kai zawnga hmang thiam tura inzir zel a pawimawh thu a sawi.

HME Director

Hospital & Medical Education director thar atan Dr K Lalbiakzuala dah a ni a, June 14, 2016 khan order a chhuak. National Health Mission-a mission director ni lai Dr K Lalbiakzuala hian May 31, 2016-a pension-a chhuak ta Dr Rosang-luaia a thlak a ni.

Free Clinic

Kum 2001-a St. Pauls HSS-a Class X-te chuan, nimin khan an batch kum 25 tlin lawmna chi khat atan Aizawl Hospital & Research Centre-ah a thlawna inentirna an buatsaih a, an batch zinga doctor-te'n mi 130-te hriselna din-hmun an endiksak a ni.

Lusun khawhar

Sudden Muanga ziaktu Lalsangzuala (Laisai-zawks) chu, nimin
chhun dar 12:35 khan Sky Hospital, Imphal-ah zunthlum avangin a thi. Lalsangzuala hi vawi-inah Lamka, Manipur-ah vui a ni ang.

AIDS workshop

Champhai AIDS Do Pawl chuan, June 13&14, 2016 khan YMA Sub-Hqrs, Champhai buidling-ah AIDS kaihhnawih zirhona 'Channels of Hope Mobilization Workshop for Champhai Youth Leaders' an buatsaih.

Lusun khawhar

Sudden Muanga ziaktu Lalsangzuala (Laisai-zawks) chu, nimin chhun dar 12:35 khan Sky Hospital, Imphal-ah zunthlum avangin a thi. Lalsangzuala hi vawi-inah Lamka, Manipur-ah vui a ni ang.