YMA humhalh a ngai: Vanlalzawma

Central YMA president hlui Vanlalzawma, MLA chuan, YMA-in hun rei tak 'Ram leh hnam humhalh' kumpuana a neih mek laiin, YMA chu humhalh a ngai ta em tih ngaihtuah a ngaih thu a sawi.

Khatla South branch YMA-in nimina YMA Day an hman a hmanpuinaah Vanlalzawma chuan, "YMA-in kum 81 a tlin mek lai hian YMA-a tel nacháng hre lo kan tam zel hi a veiawm. Zo nun ze mawi inzirtir kan uar a ngai a, Zo nun ze mawi hi nunpui har hle mah se, a har avang tak hian inzirtir kan uar sauh sauh a ngai a ni," a ti.

Khatla South branch hian kumin HSLC leh HSSLC-a an veng aṭanga pass tharte lawmpuina an hlan a ni.