AR Ex- Servicemen Rally buatsaih

Assam Rifles headquarter leh 23 Sector Assam Rifles headquarter ṭangkawp chuan, nimin khan 39 Assam Rifles’ Hall-ah Assam Rifles Ex-Servicemen Rally an buatsaih a, Governor Lt.Gen. Nirbhay Sharma-a'n a hmanpui.

Larsap chuan, Mizorama ex-servicemen-te chu an chenna hmunah ṭheuh mite zah kái leh paràwn kai an ni vek emaw tih turin vantlang tan hna an thawk chhunzawm zel tih a hriat thu a sawi a; pension hnuah pawh pension rilru pu mai loa ram tan leh khawtlang tan thawk chhunzawm tur leh, Mizoram mipuite hnenah India ram neitu dik tak an nihzia hriattirtu ni turin a chah.

Mizoram ril zawkah rêl kawng a lut tur chu lawmawm a tih thu sawiin Governor chuan, "India ram tan rêl hi mihring leh bungraw phurtu a nih piah lamah, India ram tipumkhattu a ni. India ram a lo chak zawk nan leh hma a sawn zelna turin ram chhung mite rilru a thuhmun a pawimawh," a ti.

Assam Rifles Ex-Servicemen Rally-ah hian ex-serviceman pathumte hnenah leh sipai martar pathum nupuite hnenah huaisen lawmman hlan a ni.