Congress ṭhalaite MNYF chungah lawm

Congress party ṭhalaite chuan thu-chhuah siamin, MNF ṭhalaite'n MPYCC-in CTI, Sesawng-a martarte lungphun chu an ngaihlu niin an tarlang a, lawm-awm an tih thu an sawi.

MPYCC thuchhuah chuan, "MNF ṭha-laite'n Mizorama martarte lungphun hmasa ber, June 27, 1997-a Congress ṭhalaiin a siam ngaihhlut nacháng hriaa an lo tlawh hi kan lawm hle," a ti a; thlanmual chu June 27, 2016-ah sâmfai hnatlang an neih dawn thu a tarlang.

MPYCC chuan, rambuai thim chhah laia Lal Thanhawla kaihhruai sorkar chu remna maichâmah inhlânin, Mizoram chu India rama ralmuang ber zinga mi a ni ta niin an sawi a, "Martarte lungphun hi June 27, 1997 khan a hun laia chief minister Lal Thanhawla'n a hawng a ni," an ti. Lungphunah kum 1966-1986 chhunga nunna chán an hriat mi 1,058 hming a chuang tih an sawi.