Yoga inhrilhhriatna hun buatsaih a ni

Health & Family Welfare department hnuaia National AYUSH Mission chuan nimin khan Lal Thanhawla Auditorium-ah Yoga sawifiahna leh inhrilh-hriatna hun an buatsah.

Seimnar-ah hian New Delhi-a Yoga trainer Bijoy Laxmi Hota chuan hmun hrang hrang a tlawh kualnaah Yoga chu sakhua nen inkaih-hnawih-na a nei emaw tia dodal an awm
ṭhin tih a sawi a, "Hei hi thil dik lo a ni a, Yoga chu rilru leh taksa hriselna hmanraw pakhat mai a ni. Bible-a inziak angin, Pathianin mihring-te nunna atan chhang a pe a, hetiang chiah hian Yoga chu taksa hrisel kan neih theihna tur mamawh pakhat ve mai a ni," a ti.

Delhi-a Yoga teacher Achariya Ram Gopal Dixit chuan, Yoga hmang-a tak-sa natna chi hrang hrang tihdam dan a entir.

Seminar hi Health principal director Dr K Ropari'n a kaihruai a; AYUSH deputy director Dr C Lal-lunghnema chuan, seminar chu Yoga chunghang hrian chian duh hrang hrang zawh theihna tura buatsaih a nih thu sawiin, "Hetiang hun buatsaih a nih laia páwn lam aṭanga a ṭhat lohna sawi ṭhinte hmuh tur an awm lo hi a pawi kan ti hle," a ti.