Swacch Bharat-ah ek-in 7,760 sa tawh

PHE engineer-te tan nimin khan Aijal Club-ah 'Implementation of Swachh Bharat Mission Gramin' tih thupui hmangin workshop buatsaih a ni a; Swacch Bharat hnuaiah Mizoramah ek-in 7,760 sak a nih tawh thu an tarlang.

Workshop-a tarlan dan-in, PHE department hian Swachh Bharat Mission-in a kalpui ber pakhat, ek-in sakah hma an la mek zel a; kum 2014-a Swaach Bharat din a nih hnuah Mizoram hmun hrang hrangah ek-in 7,760 an sa tawh a, kumin 2016-17 chhungin 16,776 sak leh an tum a ni.

Mizoramah êk-in sak la ngai zat chu 22,937 a ni a, sak zawh a nih hnuah chuan Open Defecation Free (ODF) state-ah Mizoramah puan theih a ni ang.

Workshop hi PHE engineer-in-chief Valbuanga'n kaihruaiin, PHE executive engineer chin an tel a; Swachh Bharat Mission hnuaia hma an lak tawh dan leh hmalak zel dan tur an sawiho a ni.