MHA-in khuahkhirhna siam remti lo

Ministry of Home Affairs (MHA) chuan state hrang hrangte chu an state leh state inkarah mihring leh bungruate chêt vel khap lo turin a hriattir. Hemi chungchangah hian Home Secretary-in August 22, Inrinni khan Chief Secretary-te lehkha a thawn a ni.

MHA chuan, state leh state inkarah bungrua leh mihring chêt velna khap emaw, phalna hranpa siam loh tur a nih thu a tarlang a, "State leh district level-ah khuah­khirhna siam a nih thu dawn a ni. Hei hian state leh state inkara bungraw chêt velnaah harsatna a thlen a, chu chuan bungraw supply mai bakah, economic leh eizawnna thlengin nghawng a nei a ni," a ti.

MHA tarlan danin, state leh state inkara bungrua leh mihring chet velnaa khuahkhirhna dan siam chu MHA-in Disaster Management Act, 2005 hnuaia guideline a siam nen a inkalh a ni. Chief Secretary-te chu state leh state inkara chêt velnaah khuahkhirhna siam lo tura ngenin MHA chuan, an guideline siam chu khauh taka zawm tur a nih thu a tarlang bawk.