Hrui zam chingfeltu tur Committee sorkarin a din

Mizoram sorkar chuan, Aizawl khawpui a mawi zawk nan leh a felfai zawk theih nan, khawlaia hrui chi hrang hrang zam hnawk leh uai fualte mumal zawka siam dan tur ngaihtuah turin committee a din.

Committee-ah hian GAD secretary chu chairman niin, Aizawl DC chu member-secre­tary a ni a; member-te chu - PHE engineer-in-chief, P&E engineer-in-chief, Aizawl Municipal Council CEO, BSNL general manager leh, Zonet leh LPS cable TV manager-te an ni.

Committee hian thil ṭul hrang hrangte zir chiangin, khawpui chhunga hrui inzamte mumal zawka tihfel dan turah rawtna an siam ang a, sorkarah an thlen dawn a ni.