Vaihlo tite pulpit-ah an láwn thei lo

UPC (North East India) Aizawl East District-te chuan Jannuary 1, 2015 aṭang khan zûk leh hmuama fihlîm lote chu pulpit aṭanga Pathian thu sawi an phalsak lo a, zûk leh hmuam ti ṭhinte thu sawi tura ruat an nih pawhin, lecturn aṭangin an sawitir a ni.

Zûk leh hmuama fihlim lote pulpit aṭanga rawngbawlna neih an remtih tâk loh hi UPC (NEI) Aizawl East District Conference-a thu pass anga kalpui a ni a; kohhran upa pawh ni se, zûk leh hmuama fihlîm lo chuan tihluih ngai loin lecturn aṭangin thu an sawi mai tawh a ni.

UPC (NEI) hruaitute chuan, zuk leh hmuam chungchanga an hmalakna avang hian an member-te zingah zûk leh hmuam nghei thar an tam hle niin an sawi.

UPC (NEI)-ah hian district 11 an awm a; Aizawl East District hian Aizawl khawpui chhuah lam zawng leh Mizoram sorkara Champhai leh Serchhip district-te a huam a ni.