Lalnunmawia Zadeng zawn zel a ni

December 31 zan aṭanga chin hriat loha awm, Lalnunmawia Zadeng, Babutlang, Zarkawt chu zawn chhun zawm zel a ni a, he thu ziah lai thleng hian hmuh a la ni lo.

Nimin khan Central YMA hruaitute leh Zarkawt branch YMA hruaitute Zarkawt Recreation Centre-ah an inkâwm a, Lalnunmawia zawn zel dan tur an sawiho.

Central YMA chuan, mi bo zawn chung­­changah a ṭul angin hma a la dawn a; veng 16 - Chaltlang, Chal­tlang North, Laipuitlang, Bawng­­kawn, Bawngkawn South, Zuangtui, Ṭhuam­pui, Muanna Veng, Falkland, Durtlang, Dur­tlang North, Leitan, Zema­bawk, Zemabawk North, Chite leh Muthi te chu an veng chhung ṭheuh­ah chipchiar taka mi bo zawn hna thawk turin an ngen.

Heng veng 16-te hi Lalnunmawia'n mobile phone a hman hnu­hnun bera tower a manin a huam theih chin nia hriatte an ni.