ASI-in pipute sûlhnu an enfiah dawn

Archaelogical Survey of India (ASI)-a mi thiamte'n Mizoram khawchhak lama pipute sûlhnu awmna - Lianpui, Vang­chhia, Dungtlang leh Farkawn khuate tlawh turin nimin khan Aizawl an chhuahsan.

ASI mithiamte chu INTACH, Mizoram Chapter-in Mizorama pipute sûlhnu a hmuna enfiah turin an ngen a; ASI, Guwahati Circle-a mithiamte chuan assistant archaeologist Shyam Singh hoin nimin khan Champhai an pan a, vawiin aṭangin khaw hrang hranga pipute sûlhnu, humhalh tlak nia hriatte tlawhin an zir chiang dawn a ni.

ASI hian Vangchhiaa pipute lungphun - Kawtchhuah Ropui chu pipute sûlhnu hlui humhalh tlak, National Importance-ah a lo puang tawh a; hmun danga pipute sûlhnute pawh INTACH Mizoram Chapter chuan humhalh a lo rawt tawh a ni.