Intuaitharna hun hmang

Kolasib district police-te chuan nimin khan Kolasib addl. SP, MS Dawngkima hoin SP conference hall-ah intuaitharna hun an nei.

MS Dawngkima chuan, Kolasib district chu Mizoram luhká a nih avang­in police-te'n hna an ngah thu a sawi a, "Thubuai hrang hrang - inrîkrâpna, helnate leh inrûkbote kan ngah a, chutih rual chuan heng kan case-te hi chhui chhuah loh kan nei lo a ni," a ti.

Intuaitharna hunah hian Kolasib district chhunga police station hrang hranga thawktute bakah, SP office-a thawkte an tel a ni.