Hunpuia ruai atan Chanmari inseng tam ber Ramhlun North-ah ruai thehtu thahnem ber

6th January, 2015

Mizorama kohhran hrang hrangte'n kum 2014 Krismas leh kum thar 2015 lawm nan ruai an ṭheh hlawm a; hriat theih chinah Aizawla Chanmari Presbyterian Kohhranin Krismas leh kum thar lawmna ruai atan sum an sêng tam ber a, Ramhlun North Presbyterian Kohhranah ruai ṭhehtu an ṭhahnem ber.

Mizorama kohhran mal lian zual ṭhenkhatte Krismas leh kum thar lawmna ruai senso zat, ran talh zat leh ruai ṭhehtu zatte dinhmun chu a hnuaia mi ang hi a ni.

Mission Veng

Mission Veng Kohhran hi Mizorama kohhran mal lian ber an ni a, member 4,001 an awm a, dan zawh kim zat chu mi 3,123 an ni. Krismas ruai atan thawhlawm Rs. 8,63,600 hmuin, kum thar ruai atan Rs. 5,74,660 an hmu a, ruai atana thawhlawm an sum hmuh zawng zawng chu Rs. 14,38,260 a ni.

Mission Veng Kohhran hian Krismas lawmna ruai an siamah bawng 3, vawk 5, ar kg. 40 leh sangha kg. 20 an siam a, buhfai no 1650 an chhum. Mi 2,806-in ruai an ṭheh a, ruai ṭhehtu zat hi kohhran member aṭangin mi 70.13% an ni a; damlo sa pek zat mi 93 an awm.

Kum thar lawmna ruai atan bawng 3, vawk 6, ar kg. 40 leh sangha kg. 20 an siam a, mi 3,200 (79.99%)-in ruai an ṭheh a, damlo sa pek mi 140 an awm bawk.

Chanmari, Aizawl

Chanmari Presbyterian Kohhran hi Mizorama kohhran member tamna berte zinga mi niin, member 3,913 an awm a; Krismas leh kum thar lawmna ruai atan Rs. 9,10,000 vel an sêng.

Krismas ruaiah sa - bawng 3, vawk 6, ar kg. 44 leh sangha kg. 36 an siam a, thlai dang eng emaw zat an siam bawk.

Ruai ṭhehtu zat chu mi 3,671 an ni a, kohhran member zat aṭangin 93.81% an ni. Damlo mi 164 hnenah sa an pe a, damdawi-inah mi 48 tan ruai sa an pe bawk.

Kum thar lawmna ruaiah bawng 2, vawk 5, ar kg. 44 leh sangha kg. 36 an siam a, mi 3,400 ( 86.89%) velin ruai an ṭheh. Damlo chaw pek zat chu 241 an ni a, damdawi-inah mi 53 tan ei tur an pe bawk. Chanmari kohhrana fatu hotute chuan, ruai ṭhehtu zingah kum tinin sa ei lo an pung tial tial tih an sawi.

Ramhlun North

Ramhlun North Presbyterian Kohhran chuan Krismas ruai atan vawk 4 (kg. 682), bawng 2 (kg. 540), arsa kg. 32 leh sangha kg. 20 an siam a, buhfai no 1,800 an chhum. mi 3,542-in ruai an ṭheh a, kohhran member zat 3,777 aṭangin 93.78% an ni. Damlo mi 215 (damdawi-in telin) hnenah ruai sa an pe bawk. Krismas ruai atana an senso zawng zawng chu Rs. 4,43,320 a ni.

Kumthar ruai atan vawk 4 (kg. 615), bawng 2 (kg. 505), arsa kg. 50 leh sangha kg 17 an siam a, ruai ṭhehtu zat chu mi 3,873 niin, an kohhran nmember 3,777 aiin 93-in an tam zawk. Damlo chaw pek zat chu mi 242 (Nazareth Hospital-a awmte telin) an ni. Kum thar lawmna ruai atana senso zat chu Rs. 3,96,690 an ni.

Bungkawn, Aizawl

Member 3,306 awmna, Bungkawn Presbyterian Kohhran chuan Krismas ruai atan bawng 2, vawk 4, ar kg. 85 leh sangha tlem azawng an siam a; hetiang zat chiah hi kum thar lawmna ruai atan an siam bawk.

Krismas-ah mi 2,850-in ruai an ṭheh a, chu chu kohhran member zawng zawng zat aṭangin mi 86.21% an ni. Kum thar ruai chu mi 2,680 (81.06%)-in an ṭheh thung. Bungkawn Kohhran hian Krismas leh kum thar lawmna ruai leh, hunpui laia thingpui leh a hmeh atana an senso zawng zawng chu cheng nuai 9 vel a ni.

Bethlehem Kohhran

Aizawla Bethlehem Presbyterian Kohhranah member 3,290 an awm a; Krismas ruai atan bawng 2, vawk 5, ar kg. 100 leh sangha kg. 60 an siam. Ruai ṭhehtu zat chu mi 3,185 an ni a, kohhran member zat aṭangin 96.81% an ni. Damlo 78 hnenah sa an pe bawk.

Kum thar lawmna ruai atan bawng 2, vawk 4, ar kg. 81 leh sangha kg. 60 an siam a, ruai ṭheh zat chu mi 3,100 (94.22%) an ni. Damlo sa pek mi 98 an awm. Bethlehem Kohhranin Krismas leh kum thar lawmna ruai atana an sen zat chu Rs. 6,44,967 a ni.

Bawngkawn, Aizawl

Bawngkawn Presbyterian Kohhran chuan Krismas lawmna ruai atan bawng sa kg. 350, vawk 5, arsa kg. 40 leh sangha kg. 5 an siam a; mi 3,072-in ruai an ṭheh a, ruai ṭhehtu zat hi kohhran member zat, 3,438 aṭangin 89.35% an ni.

Kumthar lawmna ruai atan bawng sa kg. 350, vawk 5, arsa kg. 40 leh sangha kg. 5 a siam a, mi 3,200 (93.08%)-in ruai an ṭheh a ni. Bawngkawn Kohhran hian December 27 khan Golden Jubilee lawmin, ruai an ṭheh bawk a, an kohhran member zat aia tam, mi 3,600-in ruai an ṭheh a ni.

Electric Veng, Aizawl

Kohhran member 3,534 awmna Aizawla Electric Veng Presbyterian Kohhran chuan Krismas lawmna ruai atan bawng 2, vawk 4, arsa kg. 307 leh sangha kg. 20 an siam a, chaw no 1,750 an chhûm. Mi 2,650-in ruai an ṭheh a, damlo sa pek eng emaw zat an awm bawk.

Kum thar lawmna ruaiah bawng 2, vawk 3, arsa kg. 228 leh sangha kg. 20 an siam a, chaw no 1,800 an chhum. Ruai

ṭhehtu zat chu mi 2,970 an ni a, ruai ṭheh thei lo damlo eng emaw zat hnenah ruai sa an pe bawk. Krismas leh kum thar ruai atan hian thawhlawm Rs. 10,53,000 an hmu a, Rs. 8,96,110 an hmang a ni.

Champhai Vengthlang

Aizawl khawpui páwnah Champhai Vengthlang Presbyterian Kohhran hi kohhran lian ber (member tamna ber) a nia hriat a ni a, kohhran member 2,924 an awm mek. Krismas leh kum thar lawmna ruai atan Rs. 8,70,000 vel an seng a ni.

Krismas ruaiah bawng 3, vawk 5 leh ar 6 an talh a, buhfai kg. 220 vel an chhum. Ruai ṭhehtu zat chu mi 2,000 chuang an ni. Kum thar lawmna ruai atan bawng 3, vawk 4 leh ar 3 an talh a, buhfai kg. 220 vel bawk an chhûm a; mi 2,000 chuangin ruai an ṭheh a ni.

BCM Lunglei Chanmari

Baptist Church of Mizoram (BCM)-a kohhran mal lian berte zinga mi, Lunglei Chanmari BCM Kohhranah member 2,033 an awm a; Krismas ruai atan Rs. 2,96,390 an sêng a, kum thar ruai atan Rs. 2,38,750 an hmang thung.

Lunglei Chanmari BCM Kohhrana ruai manager F Lalsawmliana tarlan danin, Krismas ruaiah bawng 1 (kg. 200 vel), vawk 3 leh ar kg. 64.5 an siam a; mi 1,774-in ruai an ṭheh a, ruai ṭhehtu zat hi kohhran member zat aṭanga tehin 87.26% an ni. Kum thar lawmna ruaiah bawng 1 (kg. 200 chuang), vawk 3 leh arsa kg. 64 an siam a; mi 1,718 (84.51%) -in ruai an ṭheh a ni.

Chanmari West

Chanmari West Presbyterian Kohhran chuan Krismas ruaiah vawk 4 (kg. 450), bawng 2 (kg. 350) leh arsa leh sangha tlem azawng an siam. Mi 2,300-in ruai an ṭheh a, kohhran member zat 2,923 aṭangin mi 78.69% an ni a, damlo sa pek mi 110 an awm. An senso zat chu Rs. 3,21,835 a ni.

Kum thar lawmna ruaiah vawk 5 (kg. 490(, bawng 2 (kg. 350) leh sangha leh arsa tlem azawng an siam a, mi 2,500 (85.53%) velin ruai an ṭheh a, damlo 134 sa an pe. Kum thar ruai atan hian Rs. 3,34,030 an sêng a ni.