Hoticulture College tharah July 15 aṭangin class kal ṭan tawh dawn

Mizorama Horticulture College din turah College of Veterinary Sciences & Animal Husbandry, Selesihah July 15, 2016 hian class ṭan a ni dawn. Horticulture College hi Central Agriculture University (CAU) hnuaia awm tur a ni.

Horticulture department hotute hnen aṭanga thu dawn danin, Horticulture College awmna hmun tur chu Thenzawlah niin, college building leh thil pawimawh dangte buaipui mek a ni a; peih a nih hma chuan College of Veterinary Sciences & Animal Husbandry-ah class ṭan phawt a ni ang.

Horticulture College-ah hian seat 20 a awm dawn a, chumi zinga seat pali chu Mizoram chan tur a ni. Horticulture department hotute chuan, thawktu turah ram leilung fa tling leh ṭha an awm chuan duhsak an nih theihna atana hma an la a ni.

January 29, 2016 khan Central Agriculture University leh hmun danga mithiamte'n Thenzawla Horticulture College dinna tur hmun tlawhin, preli-minary survey an nei a; college dinna tura ruahmanna ram chhunga hmun hrang hrangte an fang.