Chhiatrupna laka inpuahchah dan zirho

Aizawl District Disaster Management Authority (ADDMA) chuan, nimin khan IPR conference hall-ah Aizawl district-a sorkar pisa hrang hrangte pualin rîkrum thil leh chhiatrupna thleng thei laka inbuatsaih dan tur ruahmanna siam dan zirna, 'Workshop on Preparation of Departmental/Office Disaster Management Plan' an buatsaih.

ADDMA CEO Lalhmunsanga chuan, department tinte'n Disaster Management Plan an siam chu Disaster Management Act-in a phût avangin an tih ngei a ngai tih a sawi a, "Siam lo an awm chuan dan bawhchhiatna a nih avangin hrem theih an ni," a ti.

Workshop-ah hisn chhiatna a thlen hmaa department leh office-te lo inpuahchah dan tur te, chhiatna a lo thlen huna chêt lâk dan turte leh office-a thawkte sahimna tur ruahman lâwk dan turte zirho a ni a, an sawiho zui nghal. He hunah hian department 34 an sawm zingah department 26 aṭangin aiawh an tel.

Serchhipah pawh nimin khan DC conference hall-ah Disaster Management Act, 2005-in a phût anga chhiatna hmachhawn dan tur ruahmanna, Disaster Management Plan siam dan zirna buatsaih a ni a, DC Dr Lalrozama'n a hmanpui. Management Plan zir tur hian Serchhipa awm department tin
aṭangin aiawh pakhat ṭheuh an tel a ni.