Cement leh iron rod man tihtlâwm dan tur sawiho

Sub-Committee on Quality Control of Cement and Iron Rod chu nimin khan an chairman Dr Franklin Laltinkhuma, Supply secretary hoin a pisaah an ṭhukhawm a; mipuiin cement leh iron rod tlâwm zawk leh ṭha zawk an lei theih dan tur an sawiho.

Meeting-a tarlan danin, Silchar leh Aizawla cement hralh chhuahna man inthlauhna chhan chu, carrying and forwarding agent-te'n dealer-te an pekna rate a inan loh vang a ni. Chu chuan mipui leh dealer-te tan harsatna a thlen avangin, a sutkian dan tur ngaihtuaha company/supplier-te nen meeting neih an rel.

Quality chung-changah, Legal Metrology lamin cement brand pariat an endik tawh
aṭangin a quality a ṭha tawk a, India ram puma cement chak zawng tehfung siamtu Bureau of India Standards (BIS)-in cement tehna a siam (standard) an khûm vek a ni. Iron rod zuartute leh an bûkna hmaruate chu sorkarin a phût ang zela a khát tâwka endik ṭhin a ni bawk.