MNF huna IR lakte dan anga lâk an ni - Tawnluia

MNF senior vice president Tawn-luia chuan, nimin khan Mizo Hnam Rûna inkhawm-ah thu sawiin, MNF sorkar laia IR battalion pali an lakte chu recruitment rules ang thlapa lak an niin a sawi.

Tawnluia chuan, MNF sorkar laia IR batallion pali an lakte chu recruitment rules anga lak a nih bakah, a latute chu police officer-te an niin a sawi a, "Physical, medical leh written test paltlang veka lak an ni a, tuna Home minister R Lalzirliana’n police
ṭang laite a sawi duh dan hi police officer-te thamlohna leh IR batallion-te hmuhsitna a tling," a ti.

Mizoramah zu zuar loin, police hmunpui zawng zawngah zu zuar lo se chuan kum khat chhung police 100 chuang thihna chu pumpelh theih a nia sawiin, Tawnluia chuan, "Police 100 chuang zu vanga harsatna tâwk mekte camping neihpui hi pumpelh a ni ang,” a ti a; MNF a sorkar leh hunah police post ruakte hnawhkhah vek a nih tur thu leh police-te zu an zawrhtir loh tur thu a sawi.

MNF Senior Vice President chuan, sorkarin HPC(D)-te biak a tum nia sawi chungchangah, "Inbe turin vawi tam tak kan nawr tawh a, an inbe tur hi lawmawm kan ti. Rilru fím takin be rawh se, an tihhlawhtlin theih loh tur intiamin sorkar hian HPC(D)-te hi remna a ziahpui tur a ni lo a, an tihhlawhtlin theih chin chiahah remna a siampui tur a ni,” a ti.