Damdawia inenkawlna senso avangin Mipui mtd 63 ten an retheih phah

India rama mipui mtd 63 te hian hrisellohna avangin damdawia inenkawlna atan sum an hmangral nasa a, retheihna an hmachhawn phah niin National Health Policy chuan a tarlang. Hei vang hian mitinin damdawia enkawlna ṭha an hmuh ngei theihna tur duan chhuah a ṭul thu an ziak bawk.

Health Ministry tarlan danin sorkarin mipui sum lakluhna tur a duan leh retheihna tikiam tura ruahmanna a siamte chu mipui tam takin damdawia inenkawlna lama sum an sen tam leh si avangin retheihna in a tlakbuak leh ṭhin a ni.

Damdawia inenkawlna senso hi rapthlak khawpin a sang zel a, hei hian retheihna a thlen a ni. Sorkarin retheihna titlem tur leh mitinte sum lakluh tipung tura rua­hmanna a siam te chu inenkawlna sensoah a kalral leh mai ṭhin. Hei hi a bul ber chu mipui nawlpui ten hriselna lama enkawlna ṭha an dawn theihna tur sum leh paia ṭanpuina emaw chhawmdawlna siam a nih loh vang a ni.

Kum 2011-12 khan India rama thingtlanga cheng chhungkaw pakhatin an sum lakluh aṭangin 18% zet damdawia inenkawlna senso atan an hmangral a,kum 2004-05 khan 15% a ni. Thingtlang a chengte hian thlatin an sum lakluh aṭangin 6.9 % zet damdawia inenkawlna senso atan an hmang­ral a,khawpuiah chuan 5.5% an hmangral thung.

India ram hian mipui nunphung thlak hlawk thei tur ruahmanna ṭha a duan angai a, natna a pun deuh deuh lai leh Damdawi in ṭha a din belh zel lai hian Health policy thar duan a ṭul tak zet tiin National Health Policy chuan rawtna a siam a ni.