MPC-in tourism uar tum

MPC president Lalhmangaiha Sailo chuan nimin khan an party pisaa thu sawiin, "Kan party-in sorkarna kan siam ve hunah chuan kawlphetha kan sawi bakah, tourism hmangin kan rama un-employment problem hi chinfel kan tum dawn," a ti.

Lalhmangaiha Sailo chuan, "Khawvela ram changkang leh hmasawn chakte dinhmun thlir chuan, an economy-ah hna an generate chhuah tamna ber chu tourism sector a ni. Tourism economy hi a zau a, hna siamtu a nih bakah, foreign exchange leh sum lak luh a tipung a, state tan revenue a la lut
ṭhin," a ti a; ram hmasawn mek (developing country)-ah chuan tourism aṭanga eizawng chu 30% vel an nih thu a sawi.

MPC President chuan, Mizoram politics boruak-ah 'Non-Congress' 'Non-MNF' tih chu ngaihdan lian tak awm a nih thu sawiin, "MPC party chuan Non-Congress Non-MNF tih hian kan rilru a la khawp mai. He ngaihdan hi siam len kan tum a, chumi ti tur chuan kawng kan dap mek a, party pakhatah i kal khawm ang u emaw, party pakhat kaihhruaina hnuaiah emaw grand alliance siam ang u tih zawngte pawh ngaihtuah mek a ni," a ti.