World Day Against Child Labour

Lawngtlai District Legal Services Authority (LDLSA) bultumin nimin khan Southern Public High School, Lawngtlaiah hna thawka naupang chhawr luih dona ni, 'World Day Against Child Labour' hman a ni.

Inkhawmah hian advocate C Lalrinfela'n 'Hna harsa leh hlauhawm thawk tura kum tling lo naupang chawr luih' tihin a huam theih chin te, a khapna dan leh inven dan turte leh, do tur leh tibo tura thil pawimawh hrang hrangte a sawi a; zawhna awmte a chháng nghal.

World Day Against Child Labour hi child labour venna leh mipuite tihharhna atan International Labour Organisation (ILO) huaihawtin kum 2002 aṭangin kum tin June 12-ah hman a ni ṭhin a, kumin hian Pathianni a nih avangin Lawngtlai district-ah chuan nimin khan an hmang.

UNICEF-in a chhin-chhiah danin, khawvel pum-ah naupang makta-duai 150 (13%) vel chu hna thawka chhawr luih an ni.