Synod Bookroom-in Rs. 12,75,05,054 hmu

Mizoram Presbyterian Kohhran hnuai-a Synod Bookroom chuan, kum 2015-16 chhungin Rs. 12,75,05,054 an thawk chhuak a, an budget Rs. 7,82,00,000 chu Rs. 4,95,05,054-in an khûm. Kum 2016-17 chhunga an budget chu Rs. 8,80,00,000 a ni.

Synod Bookroom hian Ningani khan Zosaphluia Building-ah Conference 2016 an hmang a, Mizoram hmun hrang hranga Synod Bookroom-a thawkte an tel. Prescom general manager Upa R Lalmalsawma'n inlawmna thu sawiin, Synod Bookroom manager Lalniliana'n an dinhmun a sawi.

Synod Bookroom hi kum 1911-a dina ni a; report-a a lan danin, Synod Bookroom hian kum 2015-16 chhung khan Rs. 12,75,05,054 an hmuh aṭangin Rs. 47,18,029 an hlêp. Kum kal ta chhung khan Chawngte, Vaphai, Sihphir leh Sakawrdaiah te distributor thar hawn a ni a; tun dinhmunah branch 12 leh distribution centre 28 an nei a ni.

Conference-ah hian Synod executive secretary Rev. PC Pachhunga'n Synod Book-room branch ti ṭhate hnenah lawmman a sem. Lawmman dawngtute chu - pakhatna Lawngtlai branch, pahnihna Bawngkawn branch leh pathumna Bazar branch an ni.