Ram pum huap ṭawngṭai rual
Mizoram Kohhran Hruaitute Committee (MKHC) huaihawtin nizan dar 7 khan Mizoram pumah Covid-19 hripui lêng chungchangah ṭawngṭai rual hun hman a ni a; nizan vek khan Central KṬP huaihawtin KṬP member-te village council leh local council inthlan tur pualin an ṭawngṭai rual bawk.
MKHC-in ṭawngṭai rual thupui a siamte chu - Pathian venhimna vanga Mizoramah Covid-19 thihpui an la awm loh vanga lawmthu sawina te, Covid-19 vei mekte an dam thuai theih nan te, Covid-19 vei enkawltute tan leh Covid-19 vei inthup leh symptom lang lote pawh hmuh chhuah zel theih nan te, Mizoramah Covid-19 vanga thi an awm loh nan te, hripuiin Mizoram a kiansan thuai a, Biak Ina inkhawm thuai a nih theih nante a ni.