Khawthlir

HC Judge-ah Mizo

Advocate Michael Zothankhuma s/o P Rohmingthanga, Chaltlang chu Guwahati High Court judge atan vawiin hian Guwahati-ah lak luh a ni dawn. Michael Zothankhuma hi Mizorama Mizo High Court judge hmasa ber tur a ni a, Gauhati High Court Nagaland Bench-ah station judge-in a awm phawt dawn nia thu dawn a ni.

Governor lak luh
Mizoram Governor thar atana ruat Dr. Aziz Qureshi lak luh hun tur sawn HMA a ni. Ruahmanna hmasa ang chuan Dr. Aziz Qureshi hi January 9 tlai dar 6-ah lakluh tur a ni a, hemi ni vek tlai dar 4 a lakluh tura sawn a ni. Dr. Aziz Qureshi hi January 8 a Aizawl rawn thleng tura beisei a ni.

Tla hlum
January 5, Thawhṭanni zan dar 7:30 vel khan Dawrpui Vengthar Presbyterian biak-in bula in chhawng thumna aṭangin Lalchhuansanga (16) s/o Lalhmangaihi, Dawrpui Vengthar a tla a, damdawi-in thlenpui a nih hnuah a hliam tuar loin a thi.

R-Day sawiho
Kolasib DC Jitendar Yadav hoin nimin khan DC conference hall-ah Kolasib-a Republic Day hman dan tur an rel. Ruahman dan chuan, Republic Day hi Ṭumpui Field-ah hman a ni a, home hrang hrangah thilpek hlan a ni ang.

Lehkhabu pe
Dr. Zohmangaiha chuan a lehkhabu lehlin 'Thlarau Mi (The Spiritual Man)' tih chu MJA public library-a dah atan a pe a, a chungah MJA an lawm hle.

DDK news
Doordarshan Kendra, Aizawl chuan January 1, 2015 aṭang khan ni khatah chanchin thar
ṭum thum an puang. DDK Aizawl chanchin puan hunte chu - tlai dar 3 leh dar 5-ah chanchin thar langsar zual an puang a, zan dar 6:30-ah chanchin thar kimchang zawkin an puang a ni.