Mi bo zawng chhunzawm zel

December 31, 2014 zan aṭanga bo mek, Lal­nunmawia Zadeng, Zar­kawt chu nimin thleng khan khaw­tlangin an la zawng zel a; he thu ziah lai thleng hian hmuh a la ni lo a, a pawisa ip (wallet) erawh chhar a ni.

Aizawl Police Station aṭanga thu dawn danin, Lal­nunmawia hi police-te leh Zarkawt leh veng dang YMA-te'n an zawng chhunzawm zel a, amah hmuh la ni lo mah se, a wallet erawh chu January 3, 2015 khan Lalhmangaiha (19), Zemabawk-in Tui­riala bawlh­hlawh paihnaah a chhar thu a sawi a, Zemabawk YMA hruaitute hnenah a pe a ni. Hetih lai hian, Lalrinawma, Armed Veng South chuan January 5 khan Chite luiah Lalnunmawia awm ang tak a hmuh tuh a sawi bawk.