Gas kalphung thar zirho

Serchhip DCSO Rosangmawia leh MIZOFED manager FC Malsawmtluanga huaihawtin nimin khan Serchhip District Journalist Association leh Serchhip District Consumer Association hotute'n ei rawngbawlna gas, a man tlawma pek chhuah chhunzawmna tura sorkar laipuiin ruahmanna thar a siam, Direct Benefit Transfer of LPG Scheme chungchang an sawiho.

Sawihonaah hian DBTL scheme chu April 2015 aṭangin Mizoram puma hman ṭan a nih tur thu te, hamṭhatna dawng thei tura consumer zawng zawngte'n bank-ah account an hawn vek a ngaih thute leh, sorkar aṭanga subsidy an dawn theih nan an account number leh thil ṭul dangte gas agent hnena hriattir a ṭul thute sawi lan a ni.

Subsidy dawnna tura bank-a account hawng lote chuan ei rawngbawlna gas hi a man toa an lei a ngaih dawn tawh avangin gas hmang zawng zawngte chu a hun laia thil tihfel ngai tifel turin an chah a ni.

Sawihonaa tarlan a nih danin, Serchhip district-a gas consumer 10,600 zinga 3,600 chuan subsidy an dawnna tur bank account an hawng fel tawh a ni.