Khawthlir

Republic Day

Aizawl DC Dr Franklin Laltinkhuma hoin nimin khan a pisaah Aizawla Republic Day hman dan tur rel a ni. Ruahman dan chuan, Republic Day hi zing dar 9-ah Lammualah hman a ni ang a, parade contigent 24 leh band party pali awm tura ruahman a ni. Chawhma dar 11-ah sawm bikte tan Raj Bhavan-ah Governor At Home buatsaih a ni ang.

Enfiah
Kawnpuia cheng nuai 160 senga tourist lodge sakna hmun tur chu nimin khan a satu tur engineer leh Kawnpuia V/C ten an enfiah. Tourist lodge sakna hmun tur hi Kawnpui Hmar Veng YMA in an ram enkawl lai an pek a ni.

CM Relief Fund
MHIP, Tuithiang branch chuan Chief Ministers’ Relief Fund-ah Rs. 4,000 an chhung lut. Chief Ministers’ Relief Fund-a sum lutte hi chhiatna thlenga a tuartute chhawmdawl nan pek chhuah ṭhin a ni.

Mei zu man
Aizawl District Anti Tobacco Squad chuan nimin khan Aizawla pisa 16 tlawhin, Cigarettes and Other Tobacco Products Act (COTPA) bawhchhia an awm leh awm loh an enfiah a, phal lohna hmuna mei zu mi 18 an man a, pawisa an chawitir nghal zel a ni.

MJA kumthar lawm
Mizoram Journalists' Association (MJA) gen. headquarters chuan naktuk chhun dar 12 hian Press Club-ah kumthar thingpui inho leh inkhawm a buatsaih dawn a, member-te kim taka tel turin a hriattir. January 10 chawhnu dar 1 khian Ramdinthara (Chhawrpial) pa, Rev. ZT Sangkhuma chu MJA-in a ral dawn bawk.