Assembly-a thawkte an inhlan thar

Mizoram Legislative Assembly-a thawkte chuan nimin khan an conference hall-ah inhlan tharna hun an hmang a, Assembly speaker Hiphei leh deputy speaker R Lalrinawma ten an hmanpui.

Inhlan tharna hun hi Assembly secretary Ngurthanzuala'n a kaihruai a; speaker Hiphei chuan, ram tan leh mi dang tana thil ṭha ti tura tum ruhna nei tlat turin thawktute a fuih.

Deputy speaker R Lalrinawma pawhin thu sawiin, sorkar hnathawkte chu an vanneihzia inhria a, ṭhahnemngai tak leh phûr taka hna thawk zel turin a fuih a ni.