2014-ah damdawi hman sual vangin mi 38 thi
Kum 2014 chhung khan damdawi hman sual vangin Mizoramah mi 38 an thi a, zu chhe in vanga thi an awm lo thung.
Excise & Narcotics department chhinchhiah danin, Mizorama damdawi hman sual vanga thi mi 38 zinga 36 chu mipa an ni a, pahnih chu hmeichhia an ni. Damdawi hman sual avanga thi zingah hian proxyvon hmang sual tam berin, mi 16 an ni a, a dawttu chu heroin vanga thi niin, mi paruk an awm.
Proxyvon leh heroin bakah hian, alprazolam, cataspa, corazepam leh ruihhlo dangte hman sual vangin mi 15 an thi a ni.
Kum 1984 aṭanga kum 2014 thleng khan Mizoramah damdawi hman sual vangin mi 1,315 an thi tawh a, chung zinga mi 1,177 chu mipa an ni. Kum 1984-2014 chhunga damdawi hman sual vanga thi zingah proxyvon hmang sual an tam ber a, mi 1,315 an ni.
Kum 1984-2014 chhunga damdawi hmansual avanga thi an tam ber kum chu kum 2004 niin mipa 122 leh hmeichhia 21 an thi a ni.
Kum 2014-a zu chhe in vanga thi an awm loh laiin, kum 1997 aṭang khan Mizotamah zu chhe in vanga thi mi 57 an awm tawh a; chungte chu mipa 50 leh hmeichhia pasarih an ni.