Myanmar buh lak luhna tura Tender koh hawn a ni tawh

Food Corporation of India bul tuma Myanmar aṭanga Mizorama buhfai phurtu tur thlanna tur atana tender koh chhan­nate chu hawn a ni tawh a, mahse contractor tur thlan fel a la ni lo.

Thu dawn danin, tender chhangtute chhan­na chu FCI lam chuan pawm tlakah an ngai a, mahse pawm (approve) a la ni lo. Ruahman dan chuan, Myanmar aṭangin buhfai quintal nuai hnih vel lak luh chhin phawt tum a ni.

Myanmar aṭanga buh­fai lak luhte chhêk khâwl­na atana tih, Zokhaw­thara kudam chu Supply department leh FCI lamin an endik tawh a, buhfai dahna tlaka ngaih a ni. Zokhawthar kudam hi buhfai quintal 5,000 vel leng thei tura ngaih a ni.

Myanmar aṭanga buh­fai phur tur thlanna atan hian tender koh a lo ni tawh a, company pakhatin an chhang a, mahse FCI lamin an chhanna rate sang an tih avangin an thlang lo a; tender chhuah nawn leh a ni.