MPCY-in thupek sût an phût

MPC party ṭhalaite chuan thuchhuah siamin, Mizoram sorkarin thisen hmangtute aṭanga thisen unit khatah Rs. 550 zel lak tura thupek a chhuah chu an dem tak zet thu an tarlang a; thupek chu a rang thei ang bera sût turin an phût.

MPCY chuan, sor­karin thisen sawngbawlna senso (blood processing fee) chhuanlama siama thisen dawngtute aṭanga thisen unit khatah Rs. 550 zel lak tura a ti chu âwm lo leh mak an tih tak zet thu an tarlang a, "Hei hian Mizoram sorkar sum enkawl kawnga a hlawhchhamzia a tilang chiang hleah kan ngai a, a VIP miretheite chan ái eisakna leh rahbehnaah kan ngai bawk," an ti