Voters Day hman dan tur sawiho

January 24, 2015-a Mizorama National Voters Day hman dan tur ngaihtuahin nimin khan chief electoral officer (CEO) office-ah Election hotu te, sorkar official-te leh NGO hruaitute an ṭhukhawm.

CEO Manisha Saxena chuan, National Voters Day chu India khua leh tui dik tak vote nei thei chin zawng zawngte vote nei thei tura an inziah luh nana mipuite zirtirna ni atan hman ṭhin a nih thu a sawi.

National Voters Day hi January 25-ah hman ṭhin a ni a, kuminah chuan January 25 hi Pathianni a nih avangin, January 24-ah hman a ni ang a, Governor khuallian a ni ang.