Lunglei DTO khawl siamṭha

Lunglei District Transport Office-ah khawl a chhiat vanga hun eng emaw chen hna an thawh mumal theih tawh loh hnuah, nimin akhan khawl siam ṭhat a ni a, dan pangngaiin hna an thawk leh thei tawh.

Lunglei DTO aṭang hian motor registration smart card chu November 2014-ah pek chhuah ṭan a ni a, khawl a chhiat vangin hun rei tak smart card leh lehkha pawimawh dangte siam hna chawlhsan a ni. Khawl chhiat vang hian lirthei neitute'n harsatna an tâwk nasa hman hle. Lunglei DTO-ah hian lirthei chi hrang hrang 16,400 ziah luh tawh niin, 4,400 velah high security registration plate vuah tawh a ni.