Inthlan sawn chi a ni tawh lo - MNF Ṭhalai

MNF ṭhalaite chuan, village council leh local council term chu pawhsei a nih tawh avangin in­thlan hun sawn hlat chi a ni tawh lo tih an tarlang.

MNYF thuchhuah chuan, hripui vanga hun harsat laiin khawtlanga rorelna ṭha a awm vat a ṭha zawk nia sawiin, "Hun rei tak inthlan sawn hlat tawh chu eptu lamte'n sawn hlat leh phût mah se, sawn hlat leh chi ni tawh loin a lang. Vo­ter zawng zawngte chu hripui pu darhtu emaw, kai chhâwngtu emaw ni lo turin theihtawpa fimkhur turin kan duh a; mi tinte him nan sorkarin theihtawp chhuah bawk mah se, mahni himna hi mahni kutah a innghat lian ber a ni," a ti.

MNF party chiah mahni thusawia ding an awm nia sawiin MNYF chuan, "Nghet taka mahni principle kalpui ṭhin kan nih angin, tun tum in­thlan lo awm turah hian kan chhia leh ṭha hriatna thiang tak hmanga MNF candidate zawng zawngte vote ṭheuh turin Zoram mipui kan ngen a ni," an ti.