Chawhmeh zuarte kalphung thar hrilhfiah

Legal Metrology department chuan January 26 aṭanga thlai hnah leh thei rah, a buka zawrh tawh tur chungchangah nimin khan Aizawl New Market leh Chanmari bazar-a chawhmeh zuartu pawl hrang hrang hruaitute ko khawmin an hrilhfiah.

Legal Metrology department hotute chuan chawhmeh zuarte chu an thil zawrh buk vek a ngaih tawh dawn avangin hemi atana hmanraw pawimawhte lo ngaihtuah lawk vek tura hrilhin, buk lung chungchanga harsatna awm theihte pawh la enho zel a nih tur thu an sawi.

Legal Metrology department hotute chuan, thlai hnah leh thei rah, a buka zawrh tur chin thliar fel a nih tawh thu sawiin, "Thlai hnah chi 26 leh thei rah chi 14 thlan fel a ni. A ṭul dan anga tihpun chhoh zel a ni ang," an ti.