AMC hnathawkte hun vawng dik turin intiam

Aizawl Municipal Council office-a thawkte chu nimin khan an pisaah kum 2015 atana inhlan tharna hun an hmang a, office hun vawng dik tur leh anmahni dawrtute tana mi ṭangkai ni turin thu an tiam.

AMC hnathawkte inhlan tharna hi secretary, James Lalnunmawia'n a kaihruai a, CEO, M Zohmingthangi'n hnathawk zawng zawngte chu ṭhahnemngai leh rinawm taka thawk tur te, pisa ṭan hun leh bàn hun vawng dik turtein a chah. AMC-a thawkte chuan office ṭan hun leh bàn hun vawng dik tur te, an office dawrtu mipuite tana mi ṭangkai ni tur leh hawihhâwm taka lo dawngsawng turin ziakin an intiam vek a ni.