EFCC Minister-in MPCB pisa a tlawh

Environment, Forest & Climate Change (EFCC) minister Lalthansanga chuan nimin khan Mizoram Pollution Control Board (MPCB) pisa a tlawh. Minister chuan, MPCB-a thawktu indaih lohna leh thawktu tam zawkte hamṭhatna turte a ṭul anga bawhzui a tum thu a sawi.

EFCC Minister hi MPCB hotute leh thawktute'n an office hmunhmate leh an hnathawh dante an hrilfiah a; an mamawh leh harsatnate an lo thlen a ni.

Lalthansanga chuan, MPCB hnathawhte tun aia nasa zawka mipui hriata tihchhuah a ṭul thu sawiin, "District dang mipuiin awlsam zawka an dàwr theih nan ruahmanna siam thiam a ṭul. MPCB-a thawktu indaih lohna leh thawktu tam zawk, project staff-te hmakhua leh hamṭhatna turte a ṭul angin ka lo bawhzui ang," a ti.

EFCC Minister chuan, MPCB-a thawkte chu an hnathawh zelna turah ‘Maximum work - minimum management’ ethic nei turin a chah bawk.