PACS training buatsaih

Mizoram State Cooperative Union leh Mizoram Cooperative Apex Bank chuan nimin khan MSCU Training Hall-ah Cooperation department-a officer-te tan Common Accounting System & Systematic Audit of Primary Agriculture Cooperative Societies (PACS) training an buatsaih a, Cooperation minister PC Vanlalruata'n a hawng.

PC Vanlalruata chuan, "Mizoram sorkarin ram chhunga thlai thar hralh leh lak khawm hna cooperative society-te kutah a dah dawn a, society a tam thei ang ber din a ṭul avangin din chhoh mek a ni," a ti a; cooperative society tin hnathawh dan vil reng a pawimawh thu sawiin, training-a telte chu theihtawp chhuah turin a chah.

Training hian July 12, 2024 thleng a awh dawn a, a hawnna inkhawm hi Cooperation deputy registrar K Lalduhawma'n a kaihruai a ni.