MZP-in candidate-ah Mizo ngei dah turin ngen

MZP sub-headquarters, Tlabung chuan, kum 2018-a Legislative Assembly inthlan awm turah political party-te chu West Tuipui biala candidate atan Zo hnahthlak ngei dah turin an ngen.

Tlabung MZP hruaitute hian Inrinni khan Aizawl Press Club-a thuthar thehdarhtute an kâwm a; an president P Vanlallawma chuan, Mizo mipui leh politician tam tak zingah West Tuipui bial chu hnam dang bial anga ngaihna a awm nia sawiin, chutiang ngaihtuahna chu bial mipuite'n an duh lo hle tih a sawi a, "West Tuipui biala cheng tam zawk Kristian kan nih laia sakhaw dang betu MLA kan nei reng hi kan kham tawh hle a, Bangladesh aṭangin dan loa hnam dang lut an pun phahin kan hria," a ti.

P Vanlallawma chuan, June 15, 2016 khan political party hrang hrang hruaitute hmuin, kum 2018 Assembly inthlan turah candidate atan Zo hnahthlak ngei dah tura ngenna an pe tih a sawi a; MNF leh ZNP chuan
ṭha takin an chháng nghal a, Congress party aṭangin chhanna la dawng lo mah se, thu lawmawm an dawn thuai an beisei thu a sawi.

Tlabung MZP President sawi danin, West Tuipui biala cheng zinga 65% vel chu Chakma an ni. Ramri-ah BSF sipai duty awm tho mah se, thil tih a harsat avangin Mizoram police tam zawkin a hmunah awm chilh se, ram dang aṭanga dan loa lo lut turte pawh nasa zawka ven theih an beisei a ni.

Chakma leh hnam dangte Bangladesh
aṭang--in awlsam taka Mi-zorama an luh theih avangin visa leh passport nei loa Mizorama sikul kal tam tham tak an awm mek nia sawiin Tlabung MZP hruaitute chuan, Tlabung damdawi-inah nau nei turin mi tam tak an kal
ṭhin tih an sawi a, "Heng mite hi birth certicate pek ni lo mah se, hmun dang aṭangin awlsam tea birth certicate an neih theih tho ṭhin avangin, an chhungte ram dang mi pawhin Mizoram khua leh tui nihna an neih fur tawh a ni," an ti.