PHE deptt.-in tuizem lian an tifai

Public Health Engineering (PHE) department chuan Inrinni khan Dihmunzawla Greater Aizawl Water Supply Scheme (GAWSS) Phase-I leh II-a tuizem lian leh tui tihthianghlimna hmunte leh, Tuikhuahtlanga tuizem liante an tifai.

PHE department engineer-te'n Vanglaini an hrilh danin, tuizem an tihfai avang hian Inrinni khan tui an pump lo a, veng ṭhenkhatah chuan tui an sem thung. PHE-a thawk mi 200 velin tuizem tihfai hna hi an thawk a ni.

PHE hotute chuan, tuizem tih-fai hma, Zirtawpni zan khan Aizawl hmun hrang hranga zonal tank-ah tui an dah khat vek phawt a, chungte chu Inrinnia an semna ṭhin vengah Inrinni khan an sem tih an sawi a; tuizem tihfai zawh hnu, Inrinni tlai khan tui an pump leh nghal thei tih sawiin, "Thawh-
ṭanniah dan pangngaiin tui kan sem leh nghal thei ang," an ti.