Union Minister-in department hotute a kâwm
Union Agriculture and Farmers Welfare minister Radha Mohan Singh chuan, nimin khan State Guest House-ah Mizoram sorkara Agriculture, Horticulture leh Fisheries department hotute a kâwm a; an hmasawn dan leh sum an hman dan te, sorkar laipui scheme hrang hrang an bawhzui dante a thlir lêtpui.
Radha Mohan Singh chuan, Mizoram sorkara officer-te chu lo neitute leh kut hnathawktute thleng phak ngeia hna thawk turin a fuih a; sorkar laipuiin lo neitute hamṭhatna tura ruahmanna a siamte chu a taka tipuitling ngei turin a chah.
Union Minister chuan, Mizo-ram tana sorkar laipui hma-lakna ṭhenkhat a sawi lang a; Department of AYUSH-in health mela a buatsaih dan te, DoNER Ministry hmalakna hnuaia Ser-chhip-Buarpui kawngpui siam
ṭhat hna thawh ṭan dan te, Swatch Bharat hmanga Aizawl, Kolasib leh Serchhip district-te hmalak dante chu lungawithlak a tih thu a sawi. National Health Mission hnuaia health worker post 2,078 siam a ni chu lawmawm a tih thu a sawi bawk.
Radha Mohan Singh chuan, thla ruk hnuah Mizoram tlawh leh a tum thu sawiin, scheme hrang hranga hna an thawh dan chipchiar taka data vawng tur leh, hna thawhna turin rang zawka sum pek chhuah a nih theih nan utilization certificate theh-lut zung zung turin a hrilh a ni.
Meeting-ah hian Agriculture, Horticulture, AH&Vety, Fisheries leh Soil & Water Conservation department-a Secretary, Director leh official dangte an tel.
Meeting-a an sawihote
• Thlai chînna lei dinhmun zir chianna leh sawngbawlna, Soil Health Management atan Central-in Mizoram leh state hrang hrangte tan cheng vbc. 453.85 a pek chhuah hman dan.
• Paramparagat Krishi Vikas Yojana hnuaiah organic farming tihhmasawnna tura kum 2015-16 chhunga Mizoram tana pek cheng vbc. 2.21 hman dan.
• Rainfed Area Development (RADP) hnuaia Mizoram tana sum pek vbc. 7.80 hman dan.
• PMKSY hnuaia Mizoram tana pek cheng vbc. 6.75 hman dan.
• RKVY hnuaia sum pek vbc. 9.13 hman dan.
• Fisheries lama hmalakna chi hrang hrang.
• Animal Husbandary lama hmalakna chi hrang hrang.